Шупашкарти Ҫеҫпӗл Мишши музейӗ чӑваш позийӗн сӳнми ҫӑлтӑрӗ Ҫеҫпӗл Мишши ҫуралнӑранпа кӑҫал 125 ҫул ҫитнине паллӑ тунӑ май регионсен шайӗнчи чӑвашла пӑхмасӑр Ҫеҫпӗл Мишшин хайлавӗсене е Ҫеҫпӗл Мишшине халалласа хӑйсем ҫырнӑ хайлавсене илемлӗ вулакансен "#Поэзичечекӗ" конкурс ирттерчӗ. Конкурса хутшӑнакансем 1-мӗш тапхӑрта Ҫеҫпӗлӗн сӑввисене пӑхмасӑр каласа видеосем ярса пачӗҫ. 1-мӗш тапхӑра хутшӑннисенчен чи пултаруллӑ 14 шкул ачине 2-мӗш тапхӑра суйласа илчӗҫ. Вӗсем шутне Чӑваш Сурӑм шкулӗн 8-мӗш класс вӗренекенӗ Семен Семенов та лекрӗ. Ҫапла вара ҫу уйӑхӗн 31-мӗшӗнче Ҫеҫпӗл Мишши музейӗнче конкурсӑн 2-мӗш тапхӑрне лекме тивӗҫлӗ пулнисем хушшинче хӗрӳ тупӑшу иртрӗ. Ачасем чунĕсемпе Поэтăн кашни сăмахне туйса вулани палăрчĕ. Семёнов Семён Ҫеҫпӗл Мишшин "Тинӗсе" сӑввине хӑватлӑн вуласа экспертсен чӗрине тыткӑнлама пултарчӗ, 1-мӗш вырӑн ҫӗнсе илчӗ, ҫӗнтерӳҫӗ дипломне тата парнесем илме тивӗҫлӗ пулчӗ. Семенов Семена черетлӗ ҫӗнтерӳпе саламлатпӑр. Маттур