Чӑваш чӗлхи эрни малалла пырать. Паян пирӗн шкулта чӑвашлӑх тӗнчи хуҫаланче.

Чǎваш чěлхи-тǎван чěлхе,                                                                                                                                                                                                                                          Эс - чи пахи, эс - чун уççи.                                                                                                                                                                                                                                      Чǎваш чěлхи- тǎван чěлхе,                                                                                                                                                                                                                                          Пин чěлхерен чи çепěççи.

 Мӗн тери илемлӗн, мӗн тери хӑватлӑн, мӗн тери мӑнаҫлӑн янӑрать пирӗн тӑван чӗлхе. Ака уйӑхӗн 23-мӗшӗнче «Чăваш чĕлхи-атте-анне чĕлхи» ятпа уяв каçĕ иртрĕ. Уява 1-11-мĕш класра вĕренекенсем тата шкул çумĕнчи «Шăнкăрав» ача садне çÿрекен чи пĕчĕккисем те хутшăнчĕç.  Ачасем уява тăрăшсах хатĕрленнĕ. Ăна Çемье çулталăкне халалланă май кунта паянхи кун атте-анне çинчен, тăван чĕлхе çинчен калакан илемлĕ юрăсем шăранчĕç. Сăвă калакансем те хăйсен пултарулăхĕпе тĕлĕнтерчĕç. Аслă классенче вĕренекенсем чăваш халăх кĕввипе ташша тухсан вара пурин кăмăлне те çĕклесе ячĕç.Уява 8-мĕш класра вĕренекен Настя Емельяновăпа Семен Семенов ăста ертсе пычĕç.  Чăнах та, чăваш чĕлхи – атте-анне чĕлхи. Атте-анне панă тăван чĕлхе юрă-сăвăра шăнкăр çăл шывĕ пек шăнкăр та шăнкăр юхать. Çакна уяв каçĕ те çирĕплетсе пачĕ, вĕренекенсем те илтсе те итлесе ĕненчĕç.